Olsok i Årdal gamle kyrkje

Kvelden startar med  ein halvtimes OLSOK-KONSERT kl 19.00
I år er det Ruth Solveig Steinsland, blokkfløyter og Liv Lande, koto, som står for konserten. 

Ruth Solveig Steinsland har spesialisert seg som utøvar i tidlegmusikk og samtidsmusikk på instrumenta blokkfløyter og historiske oboar. Ho har spela med Svenska barockorkestern, Rebaroque, Concerto Copenhagen, Barokkanerne og dei fleste nordiske barokkensembla. I studietida og tidleg i karriera var samtidsmusikk ein viktig sjanger i Steinslands utøvarskap. Dette resulterte bl.a. i framføring av solostykket Meditation av japanske Riohei Hirose på «Talentiaden» i NRK i 1991, samt solostykket «Black Intention» av japanske Maku Ishi i Purcell Room i London (1994). Steinsland har vore med på produksjonar med Norsk Kringkastingsorkester, Norsk Blåseensemble og Oslo Sinfonietta. Dei siste åra har Steinsland teke opp att samtidsmusikk for blokkfløyte, med særleg vekt på norsk og japansk musikk. I tillegg er tradisjonsmusikk på den folkelege sjøfløyta ein viktig del av repertoaret hennar. 

Liv Lande har studert koto (japansk 13-strengs langsitar) både i Japan og i USA. Ho har vore med i ei rekkje konsertframføringar med ulike koto-ensemble, både i Kyoto og i Los Angeles. Phd-avhandlinga hennar (2007) drøftar traderinga av japansk kotomusikk i eit globaliseringsperspektiv. Sidan 2002 og fram til i dag har ho framført kotomusikk ved ei lang rekkje kulturarrangement i Norge, både som soloartist og i lag med andre musikarar. Hausten 2025 deltok ho t d  i festivalen Japan i sprang i Oslo saman med Ruth Solveig Steinsland og andre musikarar. Lande arbeider til dagleg som seniorrådgjevar ved  den japanske ambassaden si kulturavdeling i Oslo.       

Programmet dei skal framføre ved olsok-konserten 29.juli,  vil romme musikk heilt frå 1100-talet  (mellom anna utdrag fra Olavmusikken Lux illuxit)  og fram til vår eiga tid.
Pilegrims-temaet som gjerne vert forbunde med olsok, kjem fram i verket Henro, som er skrive av den japanske komponisten Seihou Kineya (1914-1996). Stykket er opphaveleg skrive for to shakuhachi-fløyter, men Ruth Solveig og Liv har arrangert det for tenorblokkfløyte og koto. Shakuhachi-fløyta er eit instrument som først og fremst er knytt til eit menneske sitt indre, til pust, meditasjon og ro – og til pilegrimsvandring, og dette er element som musikarane vil leggje vekt på i framføringa.  I tillegg til fløyte og koto, er to enkle slagverkinstrumenter med på å skape ei tradisjonell atmosfære. Henro er japansk og tyder pilegrim.

Det blir óg innslag av norsk folkemusikk; kveldsstemningar og ein religiøs folketone.

Alt i alt trur vi dette vil bli ein anleis og spennande olsok-konsert, som du absolutt bør få med deg! :)

Billattar ved døra: Kr 200,- (VIPPS eller kontant) Barn under 16 år går gratis

Arr: Hjelmeland kytrkjemusikalske utval

Etter  konserten, og ein liten beinstrekk, vert det ei kort olsok-gudsteneste (Ca 19.30), der musikarane også vil bidra med instrumenta sine.