Velkomen til babysong i Hjelmeland kyrkje! Første samling i haust blir onsdag 28. august kl 11.00
Vi held fram utover hausten, med babysong på onsdagane.
Vi håpar at mange mødre, fedre eller besteforeldre har lyst til å ta med seg ein eller fleire babyar og kome! Du skal vite at du er hjarteleg velkomen, anten du kjem for første gong, eller om du har vore på babysong før.
Babysang er eit uformelt samver i kyrkja med fokus på song, musikk, leik og rørsle. Vi følgjer eit fast program på ca 30-35 minutt, som inneheld både viser, barnesongar , regler og salmar. Etterpå byr vi på te og kaffi , og alle som har lyst og høve, er velkomne til å stoppe igjen for evt å ta nistepakken og å nyte endå meir av det sosiale samveret! :)
Påmelding på FB/Barselgruppa Hjelmeland i løpet av tysdag før kvar samling.
Vi satsar og på å få til eit besøk på kvart av omsorgssentra i løpet av hausten. Dette inneber eigentleg berre at vi skiftar lokale for samlinga vår, forhåpentlegvis til glede for alle partar. NB: Desse samlingane på omsorgssentra vil og vere opne for publikum (ut over bebuarane). Evt dato vil bli bestemt i samråd med babysong-gruppa og omsorgssentra, så det kjem vi tilbake til etter kvart.
Babysongen vert leia av kantor Anne-Berit Rinde Bjelland og diakonimedarbeidar Torill Marie Seljeskog.
Det kostar ingenting å delta.
Vel møtt! :)